Dharmik

3 હજાર ફૂટના ખતરનાક જંગલોની વચ્ચે બેઠા છે ગણેશજી, અહીંયા જ પરશુરામ સાથે યુદ્ધમાં તૂટ્યો હતો એક દાંત

દુનિયા ઘણા રહસ્યોથી ભરેલી છે અને એમાં પણ આપણા દેશમાં રહસ્યોની ઘણી ખાણો છે. જ્યા વર્ષો જુના રહસ્યો આજે પણ ઉજાગર થતા જોવા મળે છે. એવી જ એક ગણેશજીની મૂર્તિ દંતેવાળાથી નજીક 13 કિલોમીટર દૂર ઢોલકલાના પહાડો ઉપ્પર બિરાજમાન છે. 3000 ફૂટની ઊંચાઈ ઉપર આવેલા આ ખતરનાક પહાડ ઉપર બેઠલા વિશાળ ગણપતિજીની પ્રતિમા દૂર દૂરથી પણ નજર આવે છે.

ઞેશજીની આ મૂર્તિની ચારેય તરફ ગાઢ જંગલ છે. માટે ત્યાં પહોંચવું કોઈ જોખમથી ઓછું નથી. માટે આ જગ્યા ઉપર ઘણા જ ઓછા લોકો જાય છે. ગણેશજીની આ મૂર્તિને ખુબ જ દુર્લભ માનવામાં આવે છે. એવું પણ કહેવામાં આવે છે ગણેશજીની આ મૂર્તિ દંતેવાળાનું રક્ષણ કરે છે

પુરાતત્વ વિભાગના સંશોધનમાં એ સામે આવ્યું છે કે આ પ્રતિમાની સ્થાપના નાગવંશી રાજાઓએ 10મી કે 11મી સદીમાં કરાવી હતી. નાગવંશી રાજાઓ ગણેશજીને પોતાના રક્ષક માનતા હતા. આ પ્રતિમાને લગભગ 4 ફૂટ ઊંચા ગ્રેનાઈડ પથ્થરને કોતરીને બનાવવામાં આવે છે.  પ્રતિમાના ઉપરના હાથની અંદર ફરસી પણ છે. તો બીજા એક ઉપરના હાથમાં એક તૂટેલો દાંત પણ રાખવામાં આવે છે. જયારે નીચે એક ઊંધા હાથની અંદર મોદક છે અને એક સીધા હાથમાં અભય મુદ્રામાં માળા પણ છે.

દંતેવાળાનું નામ કારણ પણ ગણેશજીના નામ ઉપર જ થેયેલું છે. ગણેશજીને દંતેશ પણ કહેવામાં આવે છે. જેના કારણે દંતેશ અપભ્રંશ થઈને દંતેવાળા કહેવામાં આવ્યું. એવું પણ માનવામાં આવે છે આ ગાઢ જંગલોની અંદર એક કૈલાશ ગુફા પણ છે.

એક દંતકથા પ્રમાણે ભગવાન પરશુરામ અને ગણેશજીની વચ્ચે આજ જગ્યા ઉપર યુદ્ધ થયું હતું. જેમાં પરશુરામે ગણેશજીનો દાંત તોડી દીધો હતો. ગણેશજીનો એ તૂટેલો દાંત તેમની આ મૂર્તિના હાથમાં છે. ત્યારબાદ ગણેશજીનું નામ એકદંત પડ્યું હતું.

દંતેવાળાથી ઢોલકલ પહોંચવા માટે પરસપાલ નામના એક ગામમાંથી પસાર થવું પડે છે. દંતકથા પ્રમાણે આ ગામનું નામ પણ પરશુરામના નામ ઉપરથી પડ્યું હતું. ત્યારબાદ કોતવાલ પારા ગામ આવે છે. આ કોતવાલના નામ ઉપર પડ્યું હતું. જેના કોતવાલ ગણેશજી છે.

આ પ્રતિમા નગાવંશી રાજાઓના સમયમાં બની હોવાના પુરાવા પણ મળે છે. આ પ્રતિમા ઉપર નાગવંશી રાજાઓનું પ્રતીક નાગનું ચિન્હ પણ બનેલું જોવા મળે છે.

આટલા વર્ષો વીત્યા હોવા છતાં પણ પ્રતિમા હવા અને વરસાદમાં પણ સુરક્ષિત છે. એવું માનવામાં આવે છે કે આટલી ઊંચાઈ ઉપર બેસવાનું કારણ એ હતું કે ગણેશજી બધી જ બાજુથી નજર રાખી શકે. અને આસપાસના વિસ્તારની રક્ષા કરી શકે.

મોટાભાગે અહીંયા બહુ ઓછા લોકો દર્શન માટે આવે છે, ગણેશ ચતુર્થીના સમયમાં અહીંયા ભક્તોની સંખ્યા વધી જાય છે. બીજું કે આ વિસ્તાર નક્સલ પ્રભાવી હોવાના કારણે અહીંયા ઘણા જ ઓછા લોકો આવે છે.