Health tips Recipe

ખાંસી અને કબજિયાત માટે રામબાણ ઈલાજ છે ગોળ, ઠંડીની મોસમમાં ખાવાનું શરૂ કરી દો, થશે ખુબ જ ફાયદો

ઠંડીમાં ઘણી વસ્તુઓ એવી પણ હોય છે જે શરીર માટે ખુબ જ ગુણકારી પણ હોય છે. કહેવાય છે કે શિયાળા દરમિયાન ખાવામાં આવેલી આ વસ્તુઓ આખું વર્ષ શરીરને ફાયદો આપતી રહી છે. એવી જ એક વસ્તુ છે ગોળ, ઠંડીના સમયમાં ગોળ ખાવો સ્વાસ્થ્ય માટે ખુબ જ ફાયદાકારક છે.

ગોળની તાસીર ગરમ હોય છે. જેના કારણે ઠંડીમાં તે શરીરની અંદર ગરમાહટ ઉત્પન્ન કરે છે. શિયાળાની અંદર જો તમે રોજ ગોળ ખાવાનો શરૂ કરો છો તો તમને શરદી, ખાંસી અને જુકામની સમસ્યામાં રાહત મળે છે.

ગળા અને ફેફસામાં ઠંડીના સમયમાં કફ જામી જવાની પણ સમસ્યા રહેતી હોય જે નિયમિત ગોળ ખાવાના કારણે આ સમસ્યા પણ દૂર થાય છે.

ઠંડીના દિવસોમાં લોહીનો પ્રવાહ પણ શરીરમાં ધીમો થઇ જતો હોય છે. પરંતુ જો તમે નિયમિત ગોળ ખાવાનનું રાખશો તો લોહીના પ્રવાહને નિયંત્રણમાં રાખવાનું પણ એ કામ કરે છે.

જમ્યા પછી જો તરત થોડો ગોળ ખાવામાં આવે તો તે પાચનતંત્ર માટે પણ ખુબ જ ફાયદાકારક બને છે. તેનાથી તમને કબજિયાતમાં પણ રાહત મળે છે.